Neft qiymətləri kəskin ucuzlaşdı: Brent 100 dollardan aşağı düşdü

Azərbaycan.media xəbər verir ki, dünya bazarlarında neftin qiyməti 100 ABŞ dollarından aşağı enib.
Məlumata görə, APA-Economics-in yaydığı xəbərə əsasən, Nyu-York Əmtəə Birjası (NYMEX)-də WTI markalı neftin may fyuçersləri gün ərzində 3,70 ABŞ dolları ucuzlaşaraq bir barel üçün 88,65 ABŞ dollarına düşüb.
Eyni zamanda, ICE birjası-nda Brent markalı neftin may fyuçerslərinin qiyməti 4,92 ABŞ dolları azalaraq 99,57 ABŞ dolları təşkil edib.
Ekspertlər qiymət enişini əsasən ABŞ və İran arasında mümkün danışıqların bərpası ilə bağlı yayılan xəbərlərlə əlaqələndirirlər. Bu amil bazarda Yaxın Şərq regionunda təklif risklərinin azalacağına dair gözləntiləri artırıb və nəticədə əvvəl formalaşmış risk mükafatının bir hissəsinin geri çəkilməsinə səbəb olub.