Mətn:
Azərbaycan.media xəbər verir ki, ABŞ və İsrailin hücumları səbəbindən İranda doqquz xəstəxana artıq fəaliyyət göstərmir.
Məhəmməd Camalian – İran parlamentinin səhiyyə komitəsinin üzvü məlumat verib.
Onun sözlərinə görə, ölkədə dərman ehtiyatları təxminən altı ay üçün kifayət edir. Eyni zamanda, təcili xəstələr üçün xəstəxanalarda əlavə yerlər açmaq məqsədilə estetik əməliyyatlar müvəqqəti dayandırılıb.
Qeyd edək ki, İsrail və ABŞ 28 fevral tarixində İrana qarşı hərbi əməliyyatlara başlayıb.