Mətn:
Azərbaycan.media xəbər verir ki, dünyada neftin qiymətinin rekord səviyyədə artması fonunda Gürcüstanda yanacaq qiymətlərində artım qeydə alınıb.
Ölkədə fəaliyyət göstərən brend yanacaqdoldurma məntəqələrində (YDM) qiymət tənzimləmələri aparılıb.
Bildirilib ki, bir sıra YDM-lərdə yanacağın qiyməti 2–12 tetri arasında bahalaşıb. Bəzi şəbəkələrdə isə dizel yanacağının qiymətində daha ciddi artım müşahidə olunub və dizel 18 tetri bahalaşıb.
Qeyd edək ki, Gürcüstanda yanacaq qiymətləri 2025-ci ilin noyabr ayında bir qədər ucuzlaşdıqdan sonra uzun müddət dəyişməz qalmışdı.