Dubay hava limanlarında bütün uçuşlar dayandırılıb

Azərbaycan.media xəbər verir ki, Dubay Beynəlxalq Hava Limanı və Dubay World Central – Əl Maktum Beynəlxalq Hava Limanındakı bütün uçuşlar növbəti bildirişədək dayandırılıb.

Dubay Aeroportunun media ofisinin yaydığı açıqlamada həm eniş, həm də qalxış reyslərinin dayandırıldığı təsdiqlənib.

Sərnişinlərə hazırda hava limanına getməmək və reyslər barədə ən son məlumatları birbaşa öz aviaşirkətləri vasitəsilə əldə etmək tövsiyə olunub.

“Vəziyyəti izləməyə davam etdikcə, əlavə məlumatlar təqdim olunacaq”, – açıqlamada bildirilib.