Tədqiqat: ət yeyənlər vəqanlardan daha yüksək yaşaya bilər
Azərbaycan.media xəbər verir ki, Şanxay Klinik Tədqiqat İnstitutu Qidalanma İnstitutu bitki mənşəli pəhriz saxlayan yaşlı çinlilərin 100 yaşa qədər yaşama ehtimalını araşdırıb. Təcrübə 1998-ci ildən beş mindən çox insanı əhatə edib.
İştirakçılar ət yeyənlər (təxminən 80%) və vegetarianlara bölünüb. Vegetarianlar isə alt qruplara ayrılıb: ət yeməyən, lakin balıq yeyənlər; yumurta və süd məhsulları ilə qidalananlar və s. Orta yaş 93,9 ± 3,3 il olub.
Alimlərin təhlilinə görə, ət yeyənlər arasında təxminən 30% iştirakçı 100 yaşa çatmağı bacarıb, halbuki yalnız bitki mənşəli qidalarla qidalanan və bədən kütlə indeksi aşağı olanlarda bu göstərici cəmi 24% olub.
Tədqiqatçılar həmçinin qeyd ediblər ki, həddindən artıq arıq olmaq da uzunömürlülük şansını azaldır. Nəticələr göstərir ki, 100 yaşa qədər yaşamaq şansı ət yeyənlərdə vəqanlarla müqayisədə bir qədər yüksəkdir.