Azərbaycan.media xəbər verir ki, İran Prezidenti Məsud Pezeşkian Cenevrədə ABŞ ilə İranın nüvə dosyesi üzrə danışıqlarında yaxşı perspektivlərin olduğunu bildirib.
Prezident Pezeşkian qeyd edib: “Danışıqlarla bağlı yaxşı perspektivlərimiz var və ümid edirik ki, bu proses Abbas Əraqçinin (XİN başçısı) iştirakı ilə sabah Cenevrədə keçiriləcək görüşdə uğurla davam edəcək”.
Prezident əlavə edib ki, İran tərəfinin məqsədi ölkəni “nə müharibə, nə sülh” vəziyyətindən çıxarmaqdır. O vurğulayıb ki, əgər şərtlər yerinə yetirilərsə, bu, iqtisadi münasibətlərin sadələşdirilməsi, beynəlxalq əməkdaşlığın genişləndirilməsi və məhdudiyyətlərin aradan qaldırılması, eləcə də ölkənin inkişaf yolunda daha sürətlə irəliləməsi üçün imkan yaradacaq.
Qeyd olunur ki, İranla ABŞ arasında danışıqların növbəti raundu fevralın 26-da Cenevrədə keçiriləcək.