Mətn:
Azərbaycan.media Donald Trump administrasiyası Ukrayna hökumətinə ötən ilin sonunda Qara dənizdə yerləşən Rusiya neft obyektinə endirilən zərbələrin ABŞ-ın Qazaxıstandakı investisiyalarına təsir göstərdiyi ilə bağlı xəbərdarlıq edib.
Bu barədə Ukraynanın ABŞ-dakı səfiri Olqa Stefanişina məlumat verib.
Səfir bildirib ki, məsələ ilə əlaqədar ABŞ Dövlət Departamenti tərəfindən rəsmi diplomatik bildiriş – demarş təqdim olunub.
“ABŞ Kiyevə Rusiyanın hərbi və enerji infrastrukturuna zərbə endirməkdən çəkinməyi təklif etməyib. Bildiriş Amerikanın iqtisadi maraqlarının təsirlənməsi ilə bağlı idi. Biz bunu nəzərə aldıq”, – deyə səfir vurğulayıb.