Azərbaycan.media xəbər verir ki, yetkinlik yaşına çatmayanlar üçün penitensiar müəssisədə sosial-psixoloji kabinet fəaliyyətə başlayıb.
Əmək və Əhalinin Sosial Müdafiəsi Nazirliyinin məlumatına görə, kabinetin əsas məqsədi yeniyetmə məhkumların psixoloji vəziyyətini qiymətləndirmək, onların sosial adaptasiya bacarıqlarını inkişaf etdirmək, cəmiyyətə reinteqrasiyasına dəstək göstərmək və həyat planlamasında düzgün istiqamətləndirmə aparmaqdır.
Məlumata əsasən, artıq müəssisədə cəza çəkən bir qrup məhkumla görüşlər keçirilib, ilkin sosial-psixoloji qiymətləndirmə aparılıb və fərdi iş planlarının hazırlanmasına başlanılıb.
Qeyd olunur ki, əməkdaşlıq çərçivəsində əvvəl 16 saylı cəzaçəkmə müəssisəsində də sosial-psixoloji kabinet yaradılıb. Sosial Xidmətlər Agentliyinin mütəxəssisləri bu kabinetlər vasitəsilə 130-a yaxın şəxslə qiymətləndirmə aparıblar.