Azərbaycan.media xəbər verir ki, Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyi tərəfindən mütəmadi olaraq təşkil olunan vətəndaş qəbulları davam etdirilir. Bu dəfə Agentliyin İdarə Heyətinin sədri Vüqar Behbudov qəbulunu Yevlax şəhərində keçirib.
Qəbula təxminən 30 imtiyazlı şəxs qatılıb. İştirakçılar Agentliyin fəaliyyət istiqamətlərinə aid məsələlərlə bağlı müraciətlərini təqdim ediblər. Hər bir müraciət qeydiyyata alınıb və aidiyyəti qurumlar tərəfindən həll edilməsi üçün tapşırıq verilib.
Mənzil, avtomobil, sanatoriya-kurort yollayışları və digər sosial təminat məsələləri ilə bağlı müraciət etmək istəyən imtiyazlı vətəndaşlar qəbulda iştirak edə bilərlər. Bunun üçün (012) 525-41-30 (daxili 5625) telefon nömrəsinə zəng etmək, sxa@sosial.gov.az elektron poçt ünvanına yazmaq, yerli filiala yaxınlaşmaq və ya Sosial Xidmətlər Agentliyinin sosial şəbəkə hesablarına müraciət etmək mümkündür.
