Azərbaycan.media xəbər verir ki, fevralın 12-si saat 11:00-a olan faktiki hava şəraiti açıqlanıb.
Milli Hidrometeorologiya Xidmətindən APA-ya verilən məlumata görə, ölkə ərazisində yağıntılar fevralın 11-i axşam saatlarından etibarən kəsilib və hava şəraiti mülayimləşib. Hazırda əksər bölgələrdə əsasən yağmursuz hava müşahidə olunur.
Düşən yağıntının miqdarı
Məlumata əsasən, düşən yağıntının miqdarı Neftçalada 14 mm, Beyləqanda 5 mm, Lənkəranda 4 mm, Mingəçevir, Yevlax, Kürdəmir, Balakən və Zaqatalada 3 mm, Göyçayda 2 mm təşkil edib. Ordubad, Sədərək, Naxçıvan, Şərur, Naftalan, Oğuz, Zərdab, Sabirabad, eləcə də Abşeron yarımadasının bəzi ərazilərində isə 1 mm yağıntı qeydə alınıb.
Qar örtüyünün hündürlüyü
Qar örtüyünün hündürlüyü Şahbuzda 49 sm, Kəlbəcərdə 40 sm, Laçın və Qubadlıda 33 sm, Qaxın Sarıbaş kəndində 29 sm olub. Biləsuvarda 23 sm, Daşkəsəndə 19 sm, Şuşada 15 sm, Gədəbəydə 14 sm qar qeydə alınıb. Cəlilabad və Yardımlıda 10 sm, Xankəndidə 7 sm, Astara və Ağdamda 6 sm, Xocalı və Qubada 5 sm qar ölçülüb. İmişli və Şəkidə (Kişçay) 4 sm, Lerikdə 3 sm, Füzulidə 2 sm, Qəbələ, Qobustan və Xaltanda isə 1 sm-ə qədər qar örtüyü müşahidə olunub.
Görünüş məsafəsi
Hazırda Naxçıvan, Daşkəsən, Gədəbəy, Şəmkir, Qax (Sarıbaş), Şəki, Qəbələ, Şamaxı, Qobustan, Quba, Göyçay və Lerik rayonlarında duman müşahidə edilir. Duman səbəbindən bəzi ərazilərdə görünüş məsafəsi 500 metrədək məhdudlaşıb.