Mətn:
Azərbaycan.media xəbər verir ki, Daxili İşlər Nazirliyinin (DİN) rəsmi mətbuat orqanı olan “Polis” qəzetinə yeni baş redaktor təyin edilib.
Publika.az-ın məlumatına görə, bu barədə daxili işlər naziri, general-polkovnik Vilayət Eyvazov əmr imzalayıb. Əmrə əsasən, polis mayoru Anar Qafarov “Polis” qəzetinin redaktoru vəzifəsinə gətirilib.
Qeyd olunur ki, Anar Qafarov bundan əvvəl DİN-in Mətbuat Xidməti İdarəsinin Media və İctimaiyyətlə Əlaqələr Şöbəsinin rəisi vəzifəsində çalışıb.
Xatırladaq ki, “Polis” qəzetinin əvvəlki redaktoru, polis polkovniki Hafiz Təmirov bir müddət əvvəl vəzifəsindən ayrılıb.