Azərbaycan.media xəbər verir ki, Əməkdar incəsənət xadimi Mehriban Ələkbərzadəyə yeni vəzifə verilib. O, “Azərbaycan Televiziya və Radio Verilişləri” QSC-nin bədii rəhbəri təyin olunub.
Mehriban Ələkbərzadə məlumatı təsdiqləyərək bildirib ki, artıq vəzifəsinin icrasına başlayıb:
“Məlumat doğrudur. Bu gündən işimin başındayam. AzTV-də bədii rəhbər vəzifəsini icra edirəm. Yeni mərhələdə görəcəyimiz işlər çoxdur”.
Qeyd edək ki, Mədəniyyət Nazirliyinin həyata keçirdiyi struktur dəyişikliklərinə əsasən, ölkədəki dövlət teatrlarında baş rejissor, baş rəssam və bədii rəhbər ştatları ləğv edilib. Bu dəyişikliklər fonunda Dövlət Akademik Milli Dram Teatrının bədii rəhbəri vəzifəsini tutan Mehriban Ələkbərzadə də əvvəlki postunu itirmişdi.
Azərbaycan.media