Mətn:
Azərbaycan.media xəbər verir ki, Əfqanıstanda 2025-ci il ərzində mina və partlamamış hərbi sursatların partlaması nəticəsində azı 87 nəfər həlak olub, 333 nəfər isə yaralanıb.
Bu barədə ölkənin Milli Fövqəladə Halların İdarə Edilməsi Qurumu məlumat yayıb. Bildirilib ki, il ərzində mina və partlamamış sursatlarla bağlı ümumilikdə 193 partlayış hadisəsi qeydə alınıb.
Qeyd edək ki, Birləşmiş Millətlər Təşkilatı Əfqanıstanı mina və partlamamış hərbi sursatlar səbəbindən ən çox insan itkisi qeydə alınan ölkələr sırasında dünyada üçüncü yerdə göstərir.