Azərbaycan.media xəbər verir ki, cinsi təcavüzdə ittiham olunan amerikalı maliyyəçi Ceffri Epşteynin işi ilə bağlı sənədlərdə pandemiya modelləşdirməsi üçün tövsiyələr və texniki həllərin hazırlanmasını müzakirə edən məktub aşkarlanıb.
Məktub 2017-ci ildə yazılıb və müzakirələr COVID-19 pandemiyasının başlamasından üç il əvvəl aparılıb.
Yazışmalar amerikalı milyarder Bill Qeytsə ünvanlanıb və daha sonra Epşteynə göndərilib. Məktubun müəllifi qeyd edib ki, Qeyts və həmkarları yerinə yetirəcəkləri tapşırıqların və hazırlayacaqları analitik materialların siyahısını hazırlayıblar.
Siyahıda “müxtəlif ştammların pandemiya modelləşdirilməsi üçün tövsiyələrin və texniki spesifikasiyaların təkmilləşdirilməsi” xüsusi diqqət mərkəzində olub. Qeyd edilib ki, bu termin səhiyyə, tibbi məlumatların qorunması və ABŞ əhalisi üçün səhiyyə xərclərinin təhlili ilə bağlı layihələr kontekstində istifadə olunur.