Mətn:
Azərbaycan.media xəbər verir ki, dünyanın ən populyar süni intellekt əsaslı çat-botu olan “ChatGPT”nin fəaliyyətində kütləvi nasazlıq qeydə alınıb.
Dünyanın müxtəlif ölkələrindən olan istifadəçilər botun cavablar generatorunun işləməməsindən, çatların yüklənməsində yaranan problemlərdən və digər texniki çətinliklərdən şikayət edirlər.
Hazırda baş vermiş nasazlığın dəqiq səbəbləri açıqlanmayıb. Bildirilir ki, “ChatGPT”nin tərtibatçısı olan “OpenAI” problemdən xəbərdardır və onun aradan qaldırılması istiqamətində müvafiq işlər aparılır.