Mətn:
Azərbaycan.media xəbər verir ki, Azərbaycan Yazıçılar Birliyinin (AYB) sıralarından otuza yaxın üzv xaric edilib.
Bu barədə saytımıza AYB-nin mətbuat xidmətinin rəhbəri Xəyal Rza açıqlama verib.
O bildirib ki, 2026-cı ilin fevralın 1-nə qədər üzvlük haqqını ödəməyənlər Birlikdən çıxarılacaqları barədə xəbərdarlıq edilmişdi:
“Xəbərdarlıqdan sonra 2020-ci ildən bəri üzvlük haqqını ödəməyən otuza yaxın şair və yazıçı AYB üzvlüyündən xaric edilib. Bu barədə həmin şəxslərə bildiriş göndəriləcək.”
Xəyal Rza həmçinin qeyd edib ki, 2020-ci ilə qədər olan üzvlük haqqı borcları bir müddət əvvəl sıfırlanmışdı.