Mətn:
Azərbaycan.media xəbər verir ki, Türkiyənin Əskişəhər vilayətində fəaliyyət göstərən şəkər zavodunda partlayış baş verib.
Türkiyə mətbuatına istinadən verilən məlumata görə, hadisə nəticəsində 6 zavod işçisi müxtəlif dərəcəli bədən xəsarətləri alıb. Yaralılardan ikisinin vəziyyətinin ağır olduğu bildirilir.
Partlayışdan dərhal sonra hadisə yerinə təcili tibbi yardım və polis əməkdaşları cəlb olunub. Xəsarət alanlar yaxınlıqdakı xəstəxanalara yerləşdirilib.
Faktla bağlı hüquq-mühafizə orqanları tərəfindən araşdırmaya başlanılıb.