Azərbaycan.media xəbər verir ki, 2025-ci ildə Naxçıvan Muxtar Respublikasında 402,3 milyon manat dəyərində kənd təsərrüfatı məhsulları istehsal edilib.
Naxçıvanın Nazirlər Kabinetindən bildirilib ki, bu göstərici 2024-cü illə müqayisədə 2,8 % azdır.
Ötən il muxtar respublikada istehsal olunmuş bitkiçilik məhsullarının dəyəri 223,1 milyon manat, heyvandarlıq məhsullarının dəyəri isə 179,2 milyon manat təşkil edib.
Qeyd edək ki, 2025-ci ildə Azərbaycanda ümumilikdə 14 milyard 189,5 milyon manat dəyərində kənd təsərrüfatı məhsulları istehsal olunub ki, bu da 2024-cü illə müqayisədə 0,9 % artım deməkdir. Ölkədə istehsal olunan bitkiçilik məhsullarının dəyəri əvvəlki ilə nisbətən 1,5 % artaraq 6 milyard 748,5 milyon manat, heyvandarlıq məhsullarının dəyəri isə 0,3 % artaraq 7 milyard 441 milyon manat təşkil edib.