Azərbaycanda magistral qaz kəmərləri ilə nəql edilən qazın həcmi açıqlanıb

Azərbaycan.media xəbər verir ki, ötən il Azərbaycanda magistral qaz kəmərləri ilə 40 235,6 mln. kubmetr qaz nəql olunub. Bu, əvvəlki ilin göstəricisinə nisbətən 0,3% azalma deməkdir.

 Dövlət Statistika Komitəsindən verilən məlumata görə, nəql edilən qazın 57,5%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Bu kəmər “Şahdəniz” qaz-kondensat yatağında hasil edilən qazın ixracı üçün istifadə olunur.

Hesabat dövründə bu boru kəməri ilə 23 143,9 mln. kubmetr qaz ötürülüb ki, bu da əvvəlki ilə nisbətən 1,3% artımı göstərir.