Azərbaycan.media xəbər verir ki, Oğuz rayonunun Padar kəndində palıd növündən olan ağacların qanunsuz kəsilməsi ilə bağlı istintaq aparılır.
Daxili İşlər Nazirliyinin Mətbuat Xidmətindən verilən məlumata görə, polis əməkdaşları tərəfindən aparılan tədbirlər nəticəsində ağacları kəsməkdə şübhəli bilinən Keyti Həsənov saxlanılıb.
Faktla bağlı Oğuz Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.