Azərbaycan.media xəbər verir ki, Bakı və Sumqayıt şəhərləri, eləcə də Abşeron rayonu üzrə yanvar ayına aid pensiyaların ödənişi yanvarın 13-də həyata keçiriləcək.
Məlumata görə, bundan sonra qrafikə uyğun şəkildə respublikanın digər bölgələri üzrə cari ayın pensiyaları, həmçinin güzəştli şərtlərlə pensiya hüququna malik şəxslərin ödənişləri təmin ediləcək.
Xatırladaq ki, 2025-ci ildə əvvəlcədən müəyyən olunmuş qrafikə əsasən Bakı, Sumqayıt şəhərləri və Abşeron rayonu üzrə pensiyalar hər ayın 9–10-da verilirdi.
Qeyd edək ki, 2026-cı ilin yanvar ayından etibarən 1,1 milyon nəfəri əhatə edən bütün növ əmək pensiyalarının təxminən 10 % artırılması planlaşdırılır. Pensiyalardakı artım orta aylıq nominal əməkhaqqının əvvəlki illə müqayisədə yüksəlməsi ilə bağlıdır. Hazırda orta aylıq əməkhaqqı 9,7 % artaraq 1093 manata çatıb.