Mətn:
Azərbaycan.media xəbər verir ki, Rusiya Prezidenti Vladimir Putin Rusiyanın dövlət gerbinə xaçların əlavə edilməsi ilə bağlı qanunu imzalayıb. Müvafiq sənəd Rusiyanın hüquqi aktlarının rəsmi saytında dərc olunub.
Qanunda qeyd edilir ki, “kiçik taclar, böyük tac və dayaq ucları genişlənən, bərabər qollu düz dördguşəli xaçlarla taclandırılıb”.
Müşayiətedici sənədlərdə vurğulanır ki, sözügedən dəyişikliklər Rusiya Federasiyasının rəsmi simvollarından birinin təhrif olunmasının qarşısını almaq məqsədi daşıyır.