Mətn:
Azərbaycan.media xəbər verir ki, Rusiyanın Xalq artisti, tanınmış aktrisa Vera Alentova 83 yaşında vəfat edib.
Bu barədə Puşkin Teatrının mətbuat xidməti açıqlama yayıb. Teatrın rəsmi saytında dərc olunan nekroloqda bildirilib:
“Böyük bir faciə baş verdi. Vera Valentinovna vəfat etdi. O, 60 il Puşkin Teatrında çalışıb. Kədərimiz sonsuzdur”.
Qeyd edək ki, Vera Alentova dünya şöhrətini 1981-ci ildə rejissor Vladimir Menşovun çəkdiyi və “Ən Yaxşı Xarici Dil Filmi” nominasiyasında “Oskar” mükafatına layiq görülən “Moskva göz yaşlarına inanmır” filmindəki baş rolu ilə qazanıb.
Aktrisa Vladimir Menşovla ailəli olub. Bu evlilikdən aktrisa və televiziya aparıcısı Yuliya adlı bir qızı var.
