Mətn:
Azərbaycan.media xəbər verir ki, Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış prosesi ardıcıl şəkildə davam etdirilir.
Bu mərhələdə Cəbrayıl rayonunun Horovlu kəndinə 21 ailə, ümumilikdə 79 nəfər köçürülüb.
Qeyd edək ki, Horovlu kəndinə köçən ailələr indiyədək respublikanın müxtəlif bölgələrində, əsasən yataqxanalarda, sanatoriyalarda və inzibati binalarda müvəqqəti məskunlaşmış şəxslər olub. Köçürülən sakinlər üçün kənddə müasir yaşayış şəraiti yaradılıb.