Mətn:
Azərbaycan.media xəbər verir ki, bu gün Gəncədə dəm qazından zəhərlənmə hadisəsi baş verib.
1986-cı il təvəllüdlü R.Paşayeva yaşadığı evin hamam otağında dəm qazından zəhərlənərək Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə çatdırılıb.
Xəstəxanadan verilən açıqlamada bildirilir ki, pasiyentə “dəm qazının toksiki təsiri” diaqnozu qoyulub və ona zəruri tibbi yardım göstərilib. Hazırda qadının vəziyyəti qənaətbəxş qiymətləndirilir və müalicəsi müvafiq şöbədə davam etdirilir.
Faktla bağlı araşdırma aparılır.