Mətn:
Azərbaycan.media xəbər verir ki, Rusiya Prezidenti Vladimir Putinin Türkiyəyə səfəri mümkün hesab olunur. Bu barədə Kremlin mətbuat katibi Dmitri Peskov Aşqabadda keçirilən brifinqdə məlumat verib.
Peskov bildirib ki, Rusiya və Türkiyə liderləri arasında ünsiyyət problemi yoxdur və onlar müntəzəm əlaqə saxlayırlar: “Rusiya və Türkiyə arasında üçüncü ölkələrin təzyiqlərinin öhdəsindən gəlməyə imkan verən çoxşaxəli münasibətlər mövcuddur”.
Qeyd edək ki, Aşqabadda Vladimir Putinlə Türkiyə Prezidenti Rəcəb Tayyib Ərdoğan arasında təxminən 40 dəqiqə davam edən qapalı görüş başa çatıb.