Azərbaycan.media xəbər verir ki, Azərbaycan Milli Elmlər Akademiyasının (AMEA) prezidenti İsa Həbibbəyli alimlərin əməkhaqqının artırılması ilə bağlı iş apardığını açıqlayıb.
Bu barədə AMEA-nın Arxeologiya və Antropologiya İnstitutunun yekun hesabat iclasında çıxışı zamanı bildirib. İ.Həbibbəyli vurğulayıb ki, işçilərin sosial müdafiəsinin yaxşılaşdırılması akademiyanın əsas prioritetlərindən biridir:
“2026-cı ildə ölkədə hər kəsin əməkhaqqısının artırılacağını nəzərə alsaq, bu, alimlərə də şamil olunmalıdır. Bununla bağlı iş aparıram” – deyə o qeyd edib.
AMEA prezidenti həmçinin həqiqi və müxbir üzvlüyə seçkilərin keçirilməsinin vacibliyini vurğulayıb:
“Uzun müddətdir həqiqi və müxbir üzvlüyə seçkilər keçirilmir. Fikrimcə, yanvardan sonra bu məsələyə baxmaq olar” – deyə İ.Həbibbəyli əlavə edib.
O, eyni zamanda Qarabağda akademiyanın elmi mərkəzi və ya bölməsinin yaradılmasının da nəzərdə tutulduğunu bildirib.