Azərbaycan.media xəbər verir ki, Moskva Ermənistanın ATƏT-in Minsk qrupu həmsədrlərinə məxsus materialları və liderlər arasında aparılmış yazışmaları əvvəlcədən razılaşdırmadan açıqlamasına etiraz edib.
Axar.az-ın məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Onun sözlərinə görə, yayılan sənədlər İrəvanın formalaşdırmağa çalışdığı narrativi alt-üst edir və Rusiyanın otuz ildən bəri münaqişənin həlli üçün ardıcıl səylər göstərdiyini bir daha sübut edir.
Qeyd edək ki, Ermənistan Azərbaycanla danışıqlar prosesinə dair 13 arxiv sənədindən ibarət materialları – Minsk qrupu formatında həll variantları da daxil olmaqla, Serj Sərkisyan və Vladimir Putin arasında yazışmaları belə – ictimaiyyətə açıqlayıb.