Azərbaycan.media xəbər verir ki, Milli Hidrometeorologiya Xidməti dekabrın 1-də gözlənilən hava şəraiti ilə bağlı məlumat yayıb.
Bakıda və Abşeron yarımadasında hava dəyişkən buludlu olacaq, arabir tutulacaq, bəzi yerlərdə fasilələrlə yağış yağacağı gözlənilir. Günün ikinci yarısında cənub-şərq küləyi şimal-qərb küləyi ilə əvəz olunacaq.
Paytaxt və yarımadada temperatur gecə 9–13°, gündüz 14–17° isti olacaq. Atmosfer təzyiqi 762 mm civə sütunu, nisbi rütubət isə gecə 80–85 %, gündüz 70–75 % təşkil edəcək.
Azərbaycanın rayonlarında isə qərb rayonlarından başlayaraq bəzi ərazilərdə yağıntıların olacağı, ayrı-ayrı yerlərdə intensivləşəcəyi, dağlıq zonalarda qar yağacağı ehtimal edilir. Həmçinin bəzi yerlərdə arabir duman müşahidə olunacaq. Qərb küləyi mülayim olacaq.
Rayonlarda temperatur gecə 3–8°, gündüz 12–15° isti, dağlarda isə gecə 0–5° şaxta, gündüz 2–6° isti olacaq.