Mətn:
Azərbaycan.media xəbər verir ki, Türkiyənin Balıkesir vilayətinin Sındırqı rayonunda 4,3 bal gücündə zəlzələ qeydə alınıb. Bu barədə ölkənin Fövqəladə Halların İdarəedilməsi Agentliyi (AFAD) məlumat yayıb.
Məlumata görə, yeraltı təkanların episentri yerin təxminən 4,9 kilometr dərinliyində olub. Zəlzələ İstanbul və İzmir şəhərlərində də hiss edilib.
Hadisə nəticəsində dağıntı və ya xəsarət alanlar barədə məlumat verilməyib.
Xatırladaq ki, oktyabrın 28-də Türkiyədə 6,1 bal gücündə zəlzələ baş vermiş, nəticədə çox sayda insan xəsarət almışdı.