Mətn:
..Mən bu gecədən qorxuram,
Gözündən sirri tökülür.
Bir parça odun üstündə,
Qəlbimin təri tökülür.
Çağırsam da səsə çıxmır,
Can da son nəfəsə çıxmır.
Çəkirsən ahı qurtarmır,
Çırpırsan zəri tökülür.
Azdırır məni içində,
Asdırır dar ağacından…
Bilmirəm alma haçandan,
Allahdan bəri tökülür?!.
Nağılı yox danışmağa,
Ocağı yox alışmağa.
Peşimanam soruşmağa-
Hey dərdi-səri tökülür..
Beşikdən məzara gedir,
Sorma nə güzara gedir…
Misra-misra,sətir-sətir,
Bir haqq şairi tökülür!
Müəllif: Şahnaz Şahin
Mənbə: Azərbaycan.media