Bakıda qəzalı binalar söküləcək
Bakı şəhərinin Sabunçu və Suraxanı rayonları ərazisində yerləşən istismar müddəti bitmiş qəzalı binaların söküntüsü həyata keçiriləcək.
Azərbaycan.media xəbər verir ki, bu barədə məlumat Trend-ə istinadla yayılıb.
Məlumata görə, söküntü işləri Sabunçu rayonunun Q.Vəzirov küçəsi, döngə 2, bina 5 və 6, həmçinin Y.Qasımov küçəsi, ev 39, eləcə də Suraxanı rayonunun Xanlar Ələkbərov küçəsi, ev 43 ünvanlarında aparılacaq.
Dövlət Şəhərsalma və Arxitektura Komitəsinin tabeliyində fəaliyyət göstərən Ərazi Tikinti-Planlaşdırma Mərkəzi söküntü işlərinin təşkilinə dair layihə-smeta sənədlərinin hazırlanmasını artıq başa çatdırıb.
Qeyd edilir ki, sözügedən işlərin icrası “Global Engineering Management Company” MMC-yə həvalə edilib və bununla bağlı rəsmi müqavilə imzalanıb.
Müqaviləyə əsasən, şirkətə 21 948 manat məbləğində vəsait ödənilib.