Mətn:
Azərbaycan.media TRT Haber kanalına istinadla xəbər verir ki, mühasirədə qalmış Qəzza zolağında aclıqdan ölən fələstinlilərin sayı 457 nəfərə çatıb.
Bu barədə Fələstin Səhiyyə Nazirliyinin Qəzza şöbəsi məlumat verib. Məlumatda son 24 saat ərzində biri uşaq olmaqla, 2 nəfərin aclıqdan öldüyü bildirilir. 2023-cü ilin oktyabrından bəri Qəzzada 457 nəfərin aclıqdan həyatını itirdiyi, onlardan 152 nəfərinin uşaq olduğu xəbər verilir.