Mətn:
Türkiyənin Karabük vilayətində nadir tibbi hadisə baş verib.
Azərbaycan.media Publika.az-a istinadən xəbər verir ki, 21 yaşlı Fatma Nur Öztürkün bədənindən əməliyyat zamanı 287 daş çıxarılıb.
Məlumata görə, gənc qız anadangəlmə uroloji xəstəlikdən əziyyət çəkib və güclü qarın ağrısı səbəbindən xəstəxanaya müraciət edib. Müayinə və əməliyyat zamanı həkimlər onun bədənində yüzlərlə daş aşkarlayıb.
Əməliyyatla çıxarılan daşların ən böyüyünün ölçüsü 2,5 santimetr olub.
Həkimlər bildiriblər ki, bu, çox nadir rast gəlinən haldır.
