Avropa İttifaqı Rusiya qazını almağı 6-12 ay ərzində tədricən dayandıra bilər.
APA xəbər verir ki, bu haqda “Reuters“ ABŞ-ın enerji naziri Kris Rayta istinadən məlumat verib.
Nazirin verdiyi məlumata görə, Avropa İttifaqı Rusiya qazını 6-12 ay ərzində tədricən dayandıraraq onun yerinə ABŞ-dan mayeləşdirilmiş təbii qaz idxal edə bilər. O, qeyd edib ki, ABŞ-ın bu təklifi Aİ rəsmilərinə çatdırıb.
Rayt cümə günü Brüsseldə, Aİ-nin enerji komissarı Dan Yorgensenlə görüşü zamanı Avropanın Rusiya enerji daşıyıcılarını almağı dayandırması mövzusunu müzakirə edib.
Bildirilib ki, Aİ Rusiya nefti və qazının idxalının 2028-ci ilin yanvarına qədər tədricən dayandırılması üçün hüquqi təkliflər üzərində danışıqlar aparır. Bundan əlavə, qısamüddətli müqavilələrə gələn ildən qadağa qoyulacaq.