Mətn:
Dünya bazarlarında neft yenidən bahalaşmaqda davam edib.
“APA-Economics” xəbər verir ki, Nyu-York Əmtəə Birjasında (Nymex) WTI markalı xam neft 0,93% bahalaşaraq bir barel üçün 63,21 ABŞ dolları təşkil edib.
London Beynəlxalq Neft Birjasında (ICE) Brent markalı xam neft isə 0,87% artımla 66,97 ABŞ dollarına yüksəlib.
Analitiklərin qiymətləndirməsinə görə, qiymət artımına tələbin sabit qalması və bazarda təkliflə bağlı gözləntilər təsir edib.