Mətn:
Rusiya prezidenti Vladimir Putin yaxın vaxtlarda Ukrayna lideri Vladimir Zelenski ilə görüşməsə, Moskva yeni sanksiyalarla üzləşə bilər.
Publika.az xəbər verir ki, bu barədə Fransa prezidenti Emmanuel Makron “Le Figaro”-ya açıqlamasında bildirib.
“Əgər prezident Putinin ABŞ lideri Donald Trampa söz verdiyi ikitərəfli görüş bazar ertəsinə qədər baş tutmasa, bu, onun Trampı bir daha aldatması demək olacaq”, – Makron vurğulayıb.
Onun sözlərinə görə, belə halda Fransa və Almaniya Rusiyaya qarşı həm birincili, həm də ikincili sanksiyaların tətbiqini dəstəkləyəcək.